القائمة الرئيسية

الصفحات

« انترفيو البنك الاهلي المصري بيرسونال وتيكنيكال | اسئلة واجابة »

( انترفيو البنك الاهلي المصري بيرسونال وتيكنيكال )

◘ نبذه عن يوم الامتحان أو الانترفيو البنك الاهلي المصري بيكون :

• فالأول هيجيلك رسالة بميعاد الامتحان في التجمع الخامس وانك تكون معاك شهادتك وبطاقتك . وممكن بعد ما تخلص تعمل انترفيو وممكن تروح ، ويبعتولك رسالة بعد كدة بميعاد الانترفيو في المركز الرئيسي للبنك علي كورنيش النيل المبني الشمال او الجنوبي الدور 22 ويكون معاك شهادتك وبطاقتك والـ CV بتاعك.

◘ ينقسم انترفيو البنك الاهلي لـ جزئيين ( انترفيو بيرسونال - انترفيو تيكنيكال ) وهما :

الانترفيو البيرسونال :

وهو بيكون انترفيو شخصي ، بيسالك الانترفيو اسئلة عن شخصك وخبراتك وتجاربك وعاوز يشوف مهارات ولغتك عاملة ازاى والاسئلة هي :

عرف نفسك بالانجلش ؟

الاجابة : هتعرف نفسك بالانجلش ( أسمك ، سنك ، المكان الي عايش فيه ، اتخرجت من كلية اية جامعة اية ، خبرتك العملية ) بس ..

- لية عاوز تشتغل في البنك الاهلي ولية هتسيب شغلك الحالي او سبت شغلك القديم ؟

الاجابة : لآن كنت مقدم في البنك من فترة وأكيد مش هقعد منتظر فالبيت وحبيت اشتغلت مؤقتا في مكان يديني خبرة واتعلم منه عقبال ما البنك يبعتلي وشرف لاي حد انة ينضم للبنك الاهلي

المصري.

- عملت اية بعد ما اتخرجت لحد دلؤت ؟

الاجابة : هتجاوب عليه بأختصار كنت بتدور ع شغل وبتطور من نفسك في دراسة كورسات معينة او كنت فعلا شغال عقبال ما تجيلك فرصتك في بنك.

- احكيلي موقف صعب اتعرضتله في شغلك او في حياتك ؟

الاجابة : هتجاوب بموقف قابلك في شغلك مع زميلك او مع عملاء وحليتو او موقف صعب ف حياتك وعرفت تتصرف فيه بحكمة وعقل .

- لية حابب تشتغل في مجال البنوك ؟

الاجابة : لآن دة مجال دراستي وبطور نفسي وبزود من معلوماتي فيه ديما وبطور من نفسى منكورسات عشان انضم للمجال المصرفي.

- اية الي يخليني اقبلك ؟

الاجابة : لآني بطور من نفسى طول الوقت وقادر علي تحمل المسؤلية وزيادة خبراتي.

- هل ليك قرايب في البنك الاهلي ؟

الاجابة : لو ليك قرايب هتعرفو لو ملكش لاء مليش .

        - اية الفرق بين التيلر وخدمة العملاء ؟

الاجابة :

-  التيلر ( الصراف ) : مسؤل عن عهدة نقدية ويقوم بعمليات مصرفية كالسحب والايداع صرف الحوالات واصدار الشيكات المصرفية ودفع المستحقات الحكومية للشركات وغيرو من العمليات المصرفية

- خدمة العملاء : مسؤلياتة هي فتح الحسابات للعملاء وربط الشهادات والودائع ومنح القروض للعملاء وحل مشاكل العملاء والاستفسارات وغيرو ..

          - ايه هي نقاط الضعف والقوة في شخصيتك ؟

الاجابة : هتقولو ع نقاط قوتك .. ونقاط ضعفك بس متكنش حاجة تأثر علي شغلك وتقدر تحلها ، زي مثلا ( بتحب تعمل حاجتين ف نفس الوقت وان المفروض تركز في حاجة واحدة، بتحب التكنولوجيا جداّ وبيأثر اوقات ع صحتك وغيرو من الحاجات الغير مضرة لشغلك )

( لمتابعة وظائف البنوك يومياّ أنضم لجروب التيليجرام – أضغط هنا )



الانترفيو التيكنيكال :

وبتكون اسئلة عن البنك بشكل خاص ومنتجات البنك والخدمات الي بيقدمها البنك للعملاء ومدي معرفتك عنها وعن الاقتصاد بشكل عام  والاسئلة بتكون عبارة عن :

-انواع البنوك ودور البنك المركزي ومهامة ؟

الاجابة : انواع البنوك : بنوك استثمارية وبنوك تجارية وبنوك اسلامية وبنوك تجارية

دور البنك المركزي المصري :

إصدار العملة المحلية وهى الجنية المصري بكافة فئاته.

المحافظة على استقرار الجنيه المصري.

إدارة احتياطي الدولة من الذهب والعملات الحرة.

الرقابة على البنوك.  

إدارة ديون الحكومة.

 تحقيق استقرار الأسعار وضمان سلامة الجهاز المصرفي المصرى.      

- صياغة وتنفيذ السياسات النقدية والائتمانية والمصرفية.

- تنظيم وإدارة سوق الصرف الأجنبي.

- الإشراف على نظام المدفوعات القومي.

 حصر ومتابعة المديونية الخارجية على الحكومة والهيئات الاقتصادية والخدمية والقطاع العام وقطاع الأعمال والقطاع الخاص.

- اية الفرق بين الفيزا والماستركارد ؟

الاجابة : مفيش فرق بينهم الفيزا والماستركارد دي شركات متخصصة في اصدار الكروت البنكية ( زى شركات اتصالات وفودافون مثلا الاتنين شركات اتصالات )


- اية هي المنتجات والخدمات الي بيقدمها البنك ؟

الاجابة : هتدخل ع موقع البنك وتعرف كويس المنتجات والخدمات الي البنك بيقدمها وتعرفها كويس

 المنتجات | مثال : الشهادات والودائع والقروض وكروت الائتمان

الخدمات | مثال : محفظة الاهلي فون كاش ( شحن رصيد ودفع فواتر وغيرو ) ، خدمة الانترنت البنكي الاهلي نت ( شراء شهادات وربط ودائع وتحويل ارصدة من حسابات ومعرفة الارصدة وكشف حساب وغيرو )

- اية الفرق بين الوديعه والقرض ؟

الاجابة :

الوديعة ببساطة : فلوس العميل حاطتها فالبنك للاحتفاظ بيها وبياخد فايدة عليها بنسبة معينة.

القرض ببساطة : فلوس البنوك وبيمنحها للعميل ع هيئة سلفة مقابل فايدة بنسبة معينة بياخدها البنك من العميل عند سداد العميل للقرض وبيسدد العميل القرض علي عدد سنين معينة بالفايدة بتاعتة

- ماهي اخر قرارات البنك المركزي؟

الاجابة : طبعا القرارات متغيرة من وقت للتاني وهتدخل علي موقع البنك المركزي وتعرف اخر قرارات وتعليمات اصدرها البنك المركزي حالياّ وتعرفهم كويس .


لمتابعة وظائف البنوك يومياّ مع كل وظيفة تعلن عنها البنوك اضغط هنا واحفظ موقعنا في المفضلة وزور موقعنا يومياّ للجديد وتابعنا علي :

reaction:

تعليقات